結伴創將來 多麼的美
你的路 我的途 再也不分己與彼
有浪有風來 不捨不棄 每一明天也贈你 十月二十四日 家姐 & BEN大喜之日 前一天，全家人一齊出動，將好多嫁妝，飾物、衫、化妝品等大量物品搬到酒店，準備第二日既大日子。之後再佈置間房，我地仲將酒店房d畫拆哂落黎，再掛d '囍'字上去，當自己屋企咁。又要去final meet個banquet manager confirm setting，修甲... 等等。由於家姐同ben係結婚前一日唔可以見面既關係，我就不停係酒店上上落落做運輸，幫佢地傳遞物品。 當晚凌晨再幫家姐上頭，食湯丸，敷Mask，搞到成三點幾先訓。 等二朝七點就起身準備，化妝set頭換衫。好在間套房夠大，裝得哂我大量親戚，加埋d姊妹、兄弟，都有四十人幾呀。 玩完接新娘，斟茶，然後就出門喇，我就第一次做伴娘，好多細節野，例如企位，程序好多都唔識，要靠d兄弟提點，搞到擔把紅遮都輪輪盡盡。 係酒店外圍行個大運之後就再上男家(即男家酒店房)，斟茶之後，食少少野，幫家姐換埋婚紗就出發去赤柱影相，天氣好好呀，d相都應該會好美。 到左夜晚，Banquet & reception個setting好好呀，家姐、媽咪同我都十分之beautiful。 最特別就係會係入席之後，進行証婚儀式，讓全場見証家姐同Ben正式結為夫婦既一刻。 我地一家人係台上面都感動到喊，擁抱。Daddy就最開心，佢d朋友&中大同學又熱情，d氣氛好高漲，好開心。亦都好多謝好多親戚幫手to make the day to be special。 時間過得好快好快，好快就到送客既時候，見到d Guests 好開心咁走，我都非常之開心呀。 其實我都有唔捨得家姐，好難講出我心裏面既感覺，我都估唔到當日我會喊，仲喊左三次咁多。好似以前佢去加拿大讀書咁唔捨得。 因為佢唔會再係屋企訓覺、第二朝一齊用廁所、一齊迫地鐵返工。 其實我並無好直接咁當面恭喜佢同Ben，只係盡我既能力去幫手，希望佢地可以順順利利、開開心心咁完成佢地既婚宴，總之一生難忘！ | 
（Adrien Brody ) & 他的女友
